愛妻有道 張繼聰唔敢催Kay出門

張繼聰和謝安琪（Kay）結婚多年，一直恩愛如昔，最近Kay宣布懷第二胎，還湊成「好」字，現時Kay專心在家養胎，而阿聰則努力搵錢，昨日他出席手錶活動時，大談夫妻相處之道——就是不可以催老婆出門，即使想她快少少，都要用婉轉方法，令人忍俊不禁！

張繼聰昨日應邀出席手錶活動，並獲設計師即場為他設計一隻獨一無二的款式，此外，大會還送他一對情侶錶，不過阿聰就話：「呢對係我同太太第一對情侶錶，其實我哋嘅時間完全唔同，我調校唔到格林威治時間……。講到夫妻相處之道，最緊要唔好催佢出門口，我會同佢講：『我隻錶八點半，你隻錶幾點呢？』當然未必有用。至於送禮物，就唔可以成日送，事關送錯機會好高，我就試過啦！」

催促令心情煩燥

事後阿聰受訪，談到時間觀念，他表示明白很多人都會重視，只是他與太太的時間似乎有點不相同，他笑言：「佢個時間比較適合睇日出、日落，喺太太心目中，時間都好虛幻，亦令我喺各方面比較隨意，『哦！趕唔切唔緊要啦，飛機趕唔切咪搭第二班囉！』佢訓練到我嘅脾氣變得好好。」

阿聰又自爆，與Kay拍拖時曾試過因時間問題而嗌交，不過婚後他學懂遷就，他續說：「如果只是family day，遲少少都無所謂，食唔到lunch咪飲下午茶囉！催促人哋只會令自己心情煩燥，倒不如放鬆啲。不過工作嘅話，我哋都會準時，明白自己遲到會影響全組人。」兩公婆性格一凹一凸，才能令多年感情有增無減。

採訪：Pauline

攝影：Lego

編輯：黃寶恩

設計：梁政敏