前乒乓港隊 陳展鵬收徒請食波餅

里約奧運正進行得如火如荼，曾是港隊乒乓球運動員的陳展鵬，前晚出席上水廣場舉行的活動，不忘大騷球技，贏得全場掌聲。

陳展鵬接受訪問時表示，玩遊戲時勾起昔日做運動員的許多回憶，更說目前仍會抽空教人打乒乓球。「我淨係教好熟嘅朋友。（會否教粉絲？）可以諗下，打乒乓球可以Keep Fit，令成個人都靈活，又可以出好多汗。以前我在乒乓球隊時，爸爸反而唔鍾意我打波，依家退役後佢又想我打番。」被問到有否教過靚女學生？他笑說：「抹晒汗囉。（有冇學生故意親近你？）冇，好規矩。個個學生上堂掛住望我，就會食波餅。」

唔怕同胡定欣傳緋聞

此外，提到他主演的《城寨英雄》深受歡迎，展鵬承認工作量的確多了，今個月底便要到加拿大登台。《城寨》監製文偉鴻早前表示，為他和胡定欣於重頭劇《同盟》度身打造角色，展鵬表示很期待，那他可擔心與剛回復單身的定欣傳緋聞？展鵬笑謂：「唔驚，定欣咁靚、咁好、又咁完美，同佢傳緋聞益晒我。」

撰文：Pauline

攝影：Lego

編輯：林梓添

設計：K