欣宜為鬼馬朱唇自豪

鄭欣宜前晚到中環為化粧品牌出席秋冬唇膏系列活動，並充當模特兒即場示範。欣宜相當鬼馬，化粧期間不時嘟嘴，又單眼送飛吻，還被讚嘴唇比例完美。她表示：「我對身形冇乜信心，但就好滿意自己嘅嘴唇，好似成日嘟嘴錫人咁。」欣宜自認好咀，更笑言拍戲咀過BabyJohn（蔡瀚億）和張繼聰，「因為兩位都係人夫，唔怕有緋聞。（以前男友都話你好咀？）OK㗎，拍緊拖梗係話好啦。」