金燕玲攞獎 蘇施黃請客

金燕玲憑電影《踏血尋梅》榮獲金像獎最佳女配角，連日來忙於接受各方好友祝賀，她表示：「真係好開心，呢個獎等咗好多年，得獎一刻無乜嘢，點知原來真係好感動，仲喊咗好多次。朋友請食飯，又送上利市同禮物，我覺得好驚訝。」她直言還有好多餐「慶祝飯」未食，並由知己蘇施黃代她請客。

提到《踏血尋梅》令她最開心的，是朋友們都喜歡這部戲，她一早自掏腰包買飛請朋友睇戲，連身在倫敦的女兒也替她得獎感到高興。