激瘦21磅 林峯笑稱內褲過鬆唔啱着

林峯將於月底在紅館舉行《HEART ATTACK LF LIVE IN HK》演唱會，連日來積極排舞練歌，他同時進行地獄式減磅。前晚，林峯見傳媒時明顯消瘦許多，他笑言全部內褲都不合身，要重新買過。

可以用激瘦來形容林峯目前的身形，他表示最重時曾達160磅，近日再上磅已跌到139磅。他不諱言近廿年來未試過咁輕，三個月成功減掉21磅。他甚至說全部內褲都不合身，要買過一批新的。

林峯表示：「到時演唱會運動量仲會再大啲，（擔心操到上癮？）又唔會，我咁鍾意食嘢，就算演唱會完咗都會keep住呢個身形，因為真係好搏命先練到返嚟，唔捨得畀自己脹番。」

閉關不忘探女友

問到女友吳千語可曾摸過他的胸肌？林峯笑言：「你要問佢，呢排我都閉緊關。（千語BB都唔見？）都有嘅，放狗囉。（女友讚身形正「手感」好？）都有鼓勵嘅，我所有身邊人，好似爹哋媽咪見到我，就話瘦咗要食多啲嘢，怕我上台唔夠力唱。但我叫佢哋放心，因為keep住做運動好健康。」

練出成果會否考慮在台上裸露body騷肌？他強調：「要着褲嘅，始終個人Style唔同，我又冇乜練下身。」他又表示最初操練時，因食量減少令血糖降低，難免起身見頭暈，經過三個月適應期，現在已經無問題。

撰文：Pauline

攝影：Lego

編輯：陳禮恒

設計：鄧俊明