廣告歌《情深咖啡未曾飲》 黎明劉江𦧲腦細加人工 粉絲：版已洗

黎明早前與《100毛》「腦細」林日曦合拍植入式廣告，惡搞其經典金曲成為《情深咖啡未曾飲》，Leon化身腦細旗下的廢青硬銷白咖啡，更找來「講呢啲」嘅劉江開金口唱歌，短片一夜間在網上洗版，全城樂迷高喊這是世上最好睇廣告！

近日化身fb達人的黎明，早前的個唱成功借fb發放消息及玩直播，化解個唱險告爛尾的公關災難，他更獲封「香港第一KOL」（Key Opinion Leader）。人氣急升的黎明早前與《100毛》合作，夥拍「腦細」林日曦二次創作其96年作品《情深說話未曾講》，舊曲新詞改成廣告歌《情深咖啡未曾飲》，宣傳NESCAFÉ極品白咖啡。

據知咖啡品牌在Leon開騷前已聯絡合作，有傳更豪花七位數字酬勞才請到「明蝠俠」加持。黎明於廣告中紆尊降貴成為「腦細」的下屬阿明，除了一如所料大爆金句，林日曦的木獨表情與Leon如擦鞋仔上身求加薪的表現，成功產生化學作用。

綠葉王劉江襯黎明

不過，最呃Like的卻是廣告商邀得無綫甘草演員劉江粉墨登場，今次他放棄「講呢啲」，選擇在廣告中獻聲唱歌，雖然僅得一句歌詞，但這彩蛋卻帶給觀眾無盡驚喜。短片於前晚8時45分在《100毛》fb專頁發布，不足24小時已錄得逾296萬點擊，打破《100毛》歷來影片最高收看紀錄。不少網友大讚黎天王創新又玩得，劉江驚喜現身更是「冇得輸」。

本報昨晚聯絡到劉江，談到廣告在網上大受歡迎，他說：「乜咁勁？我出咗一陣只是綠葉並非主角，有黎明出場都估到會爆！」提到Leon反串做廢青，劉老師稱：「黎明拍得好搞鬼，出到嚟效果幾好，我站在他身後唱咗少少，自己今朝開工先睇段片！」對於贏盡網友掌聲，劉老師回應：「我都好多年冇拍廣告，如果有機會都想再試。」

撰文：Steven、Pat

編輯：陳禮恒

設計：Simon

插圖：何樂