沙中綫仍未開通，舊區土瓜灣雖然已開始蛻變，工程令寬闊的馬路變得九曲十三彎，但只要轉入小巷，即可找到不同的實力食店，包括別區少見、只售$19的台山皺皮腸、$128足夠二人食的韓式炸雞，以及文青至愛的玫瑰花瓣咖啡，吃足全日，大滿足。
中式：$19雞蛋碎肉腸粉 富粥
「富粥」在土瓜灣開業三年半，由三人組阿蛋、阿Wing與阿Ken「煮」理，三人Friend過打Band，共同努力拉腸粉，拉出兩間分店來。
店主之一阿蛋說：「開業前好難搵Partner，但一埋位，好多之前有興趣嘅朋友都話唔得，最後好彩都搵到阿Wing同阿Ken一齊合作。」阿蛋指向廚房，介紹兩位在廚房忙個不停的師傅。三位股東，三年半走來，廚房樓面三人分工，各司其職，為小店努力。
年輕小伙子當初為何會開傳統粥店？主打的台山皺皮腸又有何吸引力？阿蛋：「搞皺皮腸嘅原因好簡單，只係想將細個鄉下嘅腸粉發揚開去，令更多人認識。」
店內有一牌匾「富粥常樂」，阿蛋表示這是他們的座右銘與精神。阿蛋說：「做人要知足常樂，唔好只顧羨慕別人，而冇做好本份。土瓜灣屬老區，唔會有太多流水客，大部分都係熟客生意，如果我哋做得唔好，質素低嘅話，街坊試過唔好食，就唔會再嚟。」
富粥
地址：土瓜灣鶴齡街1A號地舖
電話：2627 0192
韓式：$128原隻炸雞 J's daily
韓式小店取名「J's daily」，除了因為老闆名叫Julian，亦因為想每天轉換餐牌，讓客人每次來也有新鮮感。土生土長韓國人Julian，普通話十分流利。原本從事物流的他，認為前景不明朗，便決定辭職，在這片陌生土地開韓國餐廳。「之前我一直搵地方，元朗、屯門、長沙灣……有日朋友告訴我，香港有個地方叫土瓜灣，人流多，租金也比較便宜，加上韓國餐廳不多，便在此開舖。」
談到店內的招牌菜，非原隻炸雞莫屬，這種做法跟平常切開再炸不同。Julian指，原隻炸雞是韓式傳統，整隻雞炸更能鎖住肉汁。訪問期間，Julian不斷強調店內有個「神器」。原來一般店舖在煮鍋物時，桌上都會有個礙眼的電爐，但這裏採用新技術，爐子鑲在桌底，只需把大小符合的鍋放在枱面，電爐便會感應並開啟。Julian表示這樣能保持食物的溫度，也可以減少煙霧，確實夠「神」。
做足工夫，但開店至今七個多月，Julian認為情況與當初預想有差別。皆因土瓜灣人流雖多，但消費能力相對較低，而韓國菜價格算高，所以他決定在餐牌上作些改動，加了十多款較抵吃的小食，希望能吸引更多街坊光顧。
J's daily
地址：土瓜灣土瓜灣道271號地下G/F
電話：6507 9097
西式：$42玫瑰花瓣Coffee 呼吸咖啡茶館
進駐土瓜灣的「呼吸」，以電單車為主題，更保留前身60年代「白宮冰室」的裝修。店內亦有不同懷舊擺設，但店主強調：「我呢啲邊係古董呀，我執番嚟咋，我啲嘢唔係Vintage，呢啲係摩登。但點裝修都好，我都一定要夠本土，我希望大家一走入嚟就有本土的感覺。」
店名叫「呼吸」，原因相當簡單直接，就是想客人聞到小店的咖啡香。談到進駐土瓜灣的原因？店主便說起故事來：「有日我經過附近，見到前店主開始椿牆、翻新。突然我覺得土瓜灣應該要開一間呼吸，因為呢個感覺，我就同老細講，我想租你呢度，但係有一個條件，就係你要即刻停工。」因此，當你走進呼吸，也留着前身「白宮冰室」的氣息。
呼吸咖啡茶館
地址：土瓜灣馬頭角道91號地下
電話：2362 2215
撰文：唐蔚霖、呂意程
攝影：林良明
插畫：Human Ip
編輯：余運慶
設計：大雄