初生B也要留倩影

一句「贏在起跑綫」令不少家長大為緊張，原來還要贏在出生後數天，就要擺出「萌」樣，跟貼近年拍初生BB照的潮流。不少80、90後年輕父母坦言，拍照是為日後留回憶，但首要是「肯使錢」，因約200張萌照索價約5,000元。

80後的張太今年3月誕下愛女，「見朋友、fb都有影又po上網，所以都花咗千多元到影樓影了約50張。」她笑言，拍攝純為紀念，「因為痛咗好耐才生到BB出來，想留個紀念。」她更打算待女兒學懂坐後，再花約3,000元，一家三口拍攝家庭照。

猶如小粉團的BB擺不同萌樣，的確趣致可愛。25歲的Zoe，兒子兩個月大，出生10天已拍攝了一輯BB照，「BB喺第一個月大得好快，日日都唔同樣，驚BB長大後我會忘記。」日後會否常翻看BB相簿？她笑言：「可能佢幾年後長大咗，我就唔睇」。

Evan's Photography設有初生BB攝影服務，老闆Evan指，來光顧的父母8成是25至30歲，且有愈來愈普遍趨勢，「拍攝一次大約2、3,000元，生意每年有10％增長。」他認為，最理想的拍攝時間是BB約10天大，BB一個月大會比較醒瞓，若他們肚餓或未換尿片亦較難影。

在家「自拍」有技巧

Phoebe Studio負責人Phoebe指，初生BB攝影可上門或到影樓拍攝，「曾有父母花5,000元，4小時共拍攝200多張相。」她表示，並非所有BB出生後即可拍攝，「有啲BB患黃膽、生油脂粒，唔係想影就影到。」她建議，若父母不想外出，在家中「自拍」可用毛巾、被子等，捲成圈狀圍着BB，並多安慰BB、拍屁股和掃眉頭，營造在媽媽肚內的感覺。

記者：李盛芝