李嘉欣怕囝囝爆家事

李嘉欣昨日出席《愛彼女皇盃》活動，由於老公許晉亨有一匹愛駒「貳寶」，她笑稱兒子常自稱「三寶」。嘉欣又透露囝囝個性大膽又愛社交，經常向陌生人爆家事：「佢同陌生人可以講好耐，將屋企嘢講晒出嚟，冇秘密。」因此她不敢向仔仔透露太多，包括自己和老公的年齡，她說：「佢講得好詳細，但又唔想教佢唔誠實，搞到我哋有時都幾尷尬。」

提到台北發生女童被斬首案，嘉欣大讚女童媽媽很堅強，但認為香港是安全地方，故不考慮請保鑣。