杏兒甜蜜預告：最少生兩個

胡杏兒去年底結婚後，與老公李乘德（Philip）展開兩個半月蜜月之旅。叉足電的杏兒昨日出席蜜月後首項工作，容光煥發。她直言老公恨做爸爸，她答應盡量配合，看來今年或會再傳喜訊呢！

胡杏兒日前剛結束歷時超過70日的環球蜜月之旅，昨日首度復工，出席「日本櫻花文化祭─杏福賞櫻」活動，吸引大批傳媒到場採訪，唯獨舊公司無綫繼續沒有派員出席。

杏兒被司儀問到她可習慣被稱呼「李太」？杏兒笑稱：「最初真係唔識畀反應，日前去銀行，職員又係咁叫我，我都唔係好識得應佢，不過都sweet嘅。」大會安排兩位小朋友向杏兒送上一支印有她和老公漫畫肖像的清酒，當司儀問杏兒見到可愛的小朋友，可有甚麼想法？她以笑代答：「呀……哈哈！」

祝福Bosco有新歡

受訪時，杏兒每當提到老公都笑得好甜，她說與老公拍拖才一年多，今次蜜月之旅正好是相處的好時機，不諱言相處過後更加甜蜜。問可有趁機造人？她有點不好意思表示：「咁講比較尷尬，遲啲一定知，其實老公已經ready好，我都會盡量配合，（生幾多個？）兩個起啦，（今年生BB會唔會係計劃之內？）順其自然。」

談到舊愛黃宗澤（Bosco）有日籍女模新歡，杏兒表示身在外地不太清楚，她說：「希望身邊朋友都搵到另一半，好似自己咁開心，總之佢（Bosco）開心就得。」

採訪：Pauline

攝影：林良明

編輯：黃寶恩

設計：鄧俊明