魚蝦蟹開局被誤海鮮餐 家輝累劇組空歡喜

劇集《使徒行者》創下2014年最高收視港劇，電影版改由古天樂、張家輝、佘詩曼及吳鎮宇孭飛。家輝自爆早前在巴西拍外景，一場烏龍，令大家以為家輝帶咗好多靚海鮮煮畀大家食。

寰亞電影昨日在香港國際影視展舉行發布會，宣布一連串重頭計劃，新片《使徒行者》早前遠赴巴西取景，張家輝自爆笑料：「諗住趁農曆新年，就帶咗『魚蝦蟹』（遊戲）過去，點知傳下傳下變咗我帶好多魚蝦蟹去煮，當佢哋見到只係一副骰盅，即刻好失望。」吳鎮宇揶揄家輝：「原來無得食，如果我有去巴西已經殺咗佢啦。」

「釘姐」由頭打到尾

家輝又表示在巴西貧民區拍攝，一直有當地保安維持秩序，他憶述：「試過在拍攝同一地點，之前剛發生槍林彈雨，牆上隨處可見子彈窿，好彩我哋拍攝期間一直安安樂樂。」

此外，「釘姐」佘詩曼在片中由頭打到尾，每日差點搞到遍體鱗傷，阿佘苦笑謂她打人也被人打，幾乎每場戲都要化受傷的粧，幸好未試過拍到真流血，她表示會提醒自己小心。

採訪：Pauline

攝影：林良明

編輯：陳禮恒

設計：梁政敏