首度榮升馬主 甄子丹愛駒叫「宇宙車神」

甄子丹近日第四度擔任《寶馬香港打吡大賽》大使，日前為賽事拍攝宣傳海報時，他趁機宣布首次擔任馬主，更將愛駒取名為「宇宙車神」，寓意馬匹跟主人一樣成為「宇宙最強」。

甄子丹一直表示恨做馬主，又曾講笑說要將馬匹取名「愛詩詩」（意指愛太太汪詩詩），但結果新馬卻取名為「宇宙車神」。他說：「呢匹馬係我同妹夫蔡加讚夾份買，加讚名下嘅賽駒名字係『車神』，而記者朋友又幫我改咗綽號『宇宙最強』，夾埋一齊就叫『宇宙車神』。」

子丹笑言因工作太忙，所以仍未見愛駒真身，只看過照片，「我會盡快安排同自己隻馬見面，聯繫一下感情。過往每次拍騎馬戲，我都會事前同馬匹傾偈，互相熟習個性，好似朋友咁對佢。」他自言現在做了馬主，會多加學習欣賞馬匹，了解其性格特徵。

撰文：李潔盈

編輯：林梓添

設計：nc