陶大宇享受被宣萱激咀

由鄧特希製作的電視劇《隱世者們》將於9月22日推出，昨天吳啟華、陶大宇、宣萱及蘇永康等演員出席記者會。席上更播出劇集片段，其中一幕宣萱主動向大宇獻吻，令全場譁然。

談到這場吻戲，大宇表示劇中宣萱是一名靠義肢行走的人，他靈機一觸建議不如由她做主動，笑言：「雖然合作多次，拍咀戲由男仔主動提出始終會尷尬，由佢提出就大家都發揮得淋漓盡致。」宣萱表示與陶大宇依然有默契，「就算拍親熱戲，但都唔會怕羞同尷尬，反而仲好開心。」

同場的吳啟華直言，與大宇同為藝訓班同學，但直到今次才正式有對手戲，幸好每次埋位都很有默契。問到再拍劇可覺得辛苦？他說拍通宵戲難免辛苦，笑言：「直頭當我甄子丹，同十個武師對打，好彩冇受傷。」

蘇永康心痛Sammi太瘦

蘇永康則解釋因開鏡初期正值「男人幫」演唱會，所以很遲入隊。提到鄭秀文（Sammi）抱恙開騷，康仔表示：「我坐喺許志安隔籬，睇住佢見到Sammi跣一跣即刻面色一沉，之後見Sammi開番聲先拍吹氣棒。呢件事上睇到好多愛，呢兩日Sammi休息，希望佢食番多啲嘢，我攬住佢好似攬條鐵咁呀！」

採訪：Pauline

攝影：Lego

編輯：林梓添

設計：梁政敏