煲粥畀BB可否落鹽？

「點解阿囝碗粥鹹嘅？！」是日將阿囝送到阿媽家中託管。晚上回來，見兒子乖巧地吃着婆婆煲的粥，心中欣慰，怎料沾指一嘗，卻發現粥是鹹的。

「好味嗎？我放咗嚿鹹瘦肉落去煲。」阿媽自豪回應，還未意會到我在問責她。

「BB仔唔食得咁鹹㗎！你下次唔使落鹽，唔使任何調味㗎……」我只好有話直說。

「唔落鹽邊好味㗎？你個囝唔長肉，就係因為你煮啲嘢淡茂茂。你睇，佢今餐食得幾好。」阿媽繼續大條道理，又指我們都是如此吃大，不會有問題。

「你咁做會害死佢！」我一邊說，一邊在手機翻出幾宗BB吃鹽喪命的新聞，她看後一臉震驚︰「乜真係會死人㗎？下次唔敢啦。」

後果如此不堪，皆因BB器官發展未成熟，處理不了過量的鹽，嚴重可致腦水腫，甚至死亡，長遠亦有高血壓風險。

怎樣才算過量？健康院的指南沒有答案，但我們可參考歐美一些指引。其中英國營養科學諮詢委員會建議，未滿1歲的BB，每日不應攝取多於1克的鹽（約400毫克鈉），1-3歲幼童每日最多可食2克鹽（約800毫克鈉）；美國的標準寬鬆點，1-3歲的攝取上限約3.8克鹽（約1500毫克鈉）。兩、三克鹽是甚麼概念？給大家參考，一茶匙鹽約等於5克，2-3克就是半茶匙左右，1歲以下的落幾粒鹽就超標。

其實BB每日透過飲奶（包括母乳或配方奶）已可攝取足夠的鈉，煮食時根本毋須額外加鹽。另外，購買預製的baby food亦應細閱營養標籤，慎防跌入高鈉陷阱。下期續談。

（本欄逢周一刊登）