陳展鵬愛女黐黎諾懿冷落老竇

陳展鵬一家三口今晚亮相由黎諾懿及陳敏之主持的真人騷《爸知弊！你嚟湊吖！》，展鵬與愛女「小豬比」接受連串任務，展鵬太太單文柔（Phoebe）笑說︰「老公好似未試過自己單獨湊小豬比，都有啲擔心。」展鵬應Phoebe要求教阿女「眼耳口鼻」的英文生字，期間小豬比「聽啲唔聽啲」，更出奇不意使出「獅吼功」，嚇到展鵬一度「暈倒」。

至於諾懿則叫小豬比表演「機械舞」緩和氣氛，小豬比跳舞後與諾懿瞬間零距離，整飯團時繼續與諾懿密密斟；Phoebe眼見展鵬完全被女兒無視，即大表心痛謂︰「我可唔可以出去安慰下佢？我驚佢唔開心呀！」幸好展鵬最後以一塊芝士挽回劣勢，𠱁掂女兒埋身。