拒拍《我和殭屍有個約會》電影版 尹天照籲勿將新舊版作比較

久未在港出席公開活動的尹天照，昨日到九展擔任健美比賽的頒獎嘉賓。阿照於亞視年代憑劇集《我和殭屍有個約會》「況天佑」一角爆紅，去年尾《我》開拍電影版，找來黃宗澤和吳千語主演。阿照因信仰關係拒絕再演殭屍角色，就連宣傳片都不接拍，「電影公司話同殭屍無關，但都係宣傳殭屍戲，有違我嘅承諾。（可會入戲院睇？）佢（投資者）會請我睇啩？有機會都睇下，好似萬綺雯有份客串。」談及不少網民怕電影版會毀壞經典，他感慨道︰「唔好比較喇，每人有不同演繹方式，唔同係因為搵前作去比較，咁樣唔公平！」

另外，早前有報道指他在內地登台出場費僅得五萬，阿照謂︰「我連自己出場費都未決定，但解釋都無意思。我喺內地做嘢，每個工作費用都唔同。」

採訪、攝影︰Steven