手術後精神奕奕返港 曾志偉：唔做可能無得救

電視廣播有限公司總經理曾志偉上月在台灣完成動脈瘤微創手術，休養期間突然傳聞多多，除了傳出他離巢TVB，網上又瘋傳他入股緬北詐騙集團，正被香港執法機關調查。已發聲明否認傳聞的志偉，昨日下午從台灣飛抵香港，即在機場會見傳媒。提到身體狀況，他透露一條觀察了十多年的血管突然變大，必須做手術︰「唔做（手術）咪以後唔使做囉，好危險㗎，因為唔做有機會穿，一穿就無得救，依家有三組支架擺喺入面。」醫生叮囑他要改善生活習慣，包括少喝酒及早睡早起。

盛傳志偉辭職？他笑言︰「畀咗幾封信但掟番轉頭。（有排做？）我叫啲同事孭重啲，我孭番輕啲，同事個個都話『得喇，我哋搞掂你放心啦』，好感恩，好多謝佢哋。」對於捲入投資詐騙集團傳聞，志偉指不少內地朋友傳給他看︰「我仲同佢哋開玩笑話唔係我，係韓琛（電影《無間道》角色），係佢先會做呢啲嘢，詐騙集團，我哋最憎呢啲，呃老人家錢。」

採訪︰Pauline

撰文︰倪小珊

攝影︰林良明