澳門騷除褲熱舞 杜德偉︰曾經怕人覺得我老

杜德偉（Alex）前晚舉行世界巡迴演唱會澳門站，Alex唱到名曲《脫掉》時脫下長褲，只剩貼身短褲繼續熱舞，掀起全場高潮。Alex落足心思跟歌迷交流，出道接近40年的他更自爆︰「以前好驚講呢啲數字，怕人哋聽咗覺得我好老；不過我依家諗通咗，數字一啲都唔可怕，現場有同我一齊成長嘅歌迷朋友，呢啲數字對於佢哋嚟講，就好似一架列車，乘載佢哋嘅青春。」

騷前，Alex一度擔心颱風「杜蘇芮」吹正港澳，幸好個唱順利舉行，他搞笑說︰「今晚（前晚）順利開演唱會，真係要多謝一個朋友，佢就係蘇芮！騷前我已經打咗電話畀真正嘅蘇芮多謝佢，順便約佢下次一齊唱《酒干倘賣無》。」他又感謝台下歌迷，「每次睇到你哋好熱情咁跟住我一齊唱歌嘅樣，時光就好似倒流返去我仲係20幾歲時，你哋都變成以前放學後嚟睇我嘅仔、妹。多謝你哋，有你哋我先可以一直喺舞台上表演，繼續唱歌跳舞。」