出動愛犬演《寵愛Pet Pet》 招浩明︰佢愈拍愈肥

無綫新劇《寵愛Pet Pet》今晚接棒《天龍八部》播出，女主角林夏薇（薇薇）飾演一名獸醫，跟劇中的金毛尋回犬「冬甩」有不少對手戲。而「冬甩」真名叫Romeo，現實中的主人是《愛•回家之開心速遞》飾演「英進」的招浩明。

對於能與愛犬Romeo合作拍劇，浩明坦言感到很開心︰「呢個機會真係好難得，雖然要帶咁大隻狗出入都幾攰，但每次帶佢返工我都好興奮，而且Romeo好鍾意返電視城！」浩明透露劇組很愛錫Romeo，經常餵食零食，他笑言︰「Romeo有時會扭計，大家會諗方法去𠱁佢，最常見就係請佢食嘢，所以佢愈拍愈肥，拍完套劇明顯肥咗好多。」