龔嘉欣爆《靈戲逼人》結局喊到眼腫 阮浩棕吳子冲獻男男初吻

龔嘉欣、阮浩棕、吳子冲及蔚雨芯昨日到紅磡宣傳劇集《靈戲逼人》，席上宣布七天跨平台總收視錄得最高23.3點，有接近150萬觀眾收看，同時亦是連續兩周收視冠軍。阮浩棕和吳子冲玩遊戲擲骰時，嘉欣「出口術」要他們錫錫，兩人即被其他演員按住頭部咀足五秒，令全場譁然。事後他們即時抹嘴，又不禁露出痛苦表情，場面搞笑。事後，阮浩棕表示︰「好震撼，原來個感覺係咁。」吳子冲則謂︰「好有感覺，原來啲鬚根係咁拮嘅。（拍BL劇？）如果有劇情輔助嘅話，錫就容易啲，大家都專業嘛！」

至於同場的嘉欣，則預告本周《靈》結局篇會喊到眼腫︰「我有少少被張振朗嚇親，佢喊到好誇張，我同佢都喊到崩潰嘅狀態，因為係講離別，好虐心。（結局唔係happy ending？）睇你點睇囉，但我鍾意。」問到若大結局有28點收視，會否跟振朗表演錫錫？嘉欣笑說︰「我同李成昌都得，戲入面講佢暗戀我。」另外，首次出席劇集宣傳的蔚雨芯，透露正忙於與周杰倫團隊合作美容產品生意，又透露將與無綫洽談續約，希望未來接拍更多劇集。

採訪、攝影︰倪小珊