白只傳授「破處」經驗 郭嘉駿自封舞台劇處男硬晒軚

ERROR成員郭嘉駿（193）與吳海昕、白只、楊偉倫（阿卵）及朱栢謙等，昨日出席舞台劇《Laugh Vacation》記者會。首次演出舞台劇的193自封「處男」，笑言又驚又期待；至於舞台劇演出經驗豐富的白只，則貼心向193傳授當年「破處」經歷，笑指「濕濕地、黑黑地」，十分搞笑。

郭嘉駿與白只、韋羅莎及胡麗英等一眾演員，昨日現身記者會。楊偉倫在台上搞笑指希望在今次演出後，可以像193那樣高，認真搞笑。首次演出舞台劇的193，坦言感到新鮮之餘，同時有點膽怯，他笑說︰「我都有啲小學雞嘅期待同驚，今日（昨日）靜咗好多，因為我嘅角色係演員，所以要投入少少，唔可以太搞笑，要控制好自己，驚太綜藝會唔小心講咗粗口。」

昨日現場所見，193明顯緊張到「硬晒軚」，但他死撑說︰「我個角色就係一個好木獨嘅演員。（變番處男？）係呀，好耐無試過做處男，都幾廿年喇，終於都可以試番呢個滋味，向各位前輩偷師，佢哋嘅舞台劇同演戲經驗多過我幾十倍。」問身旁的白只有甚麼「破處」經驗跟193分享？他抵死表示︰「濕濕地㗎，又黑黑地嘅，好多人捉住我。（多人運動？）梗係多人啦，前台後台咁多人，我唔知咩事就被人推咗出去。」然後，白只一臉認真以前輩身份教誨︰「我唔覺得193係『處男』囉，可能佢驚完opening之後，會覺得（演舞台劇）『嘩，原來咁爽㗎』，我哋做三個禮拜㗎嘛，到時應該會識飛㗎喇，好簡單。」

阿卵獲讚有才華即面紅

另外，在ViuTV劇集《I SWIM》演老師的吳海昕與阿卵，今次再度合作，阿卵在舞台劇中亦會追求吳海昕。被取笑痴戀女方的阿卵，大賣關子稱今次舞台劇尺度大，酒店場景及劇情令人有無限聯想。問吳海昕怕不怕見到阿卵忍不到笑？她竟衝口而出︰「我以為你話日久生情，不過都有呢個可能性嘅，佢咁有才華。」阿卵聞言即說︰「唔使勉強嘅！（你面紅？）有個咁靚嘅女仔同你講呢啲，實面紅，我唔面紅就唔係人啦！」

採訪、攝影︰黄曉妍

撰文︰倪小珊

美術︰梁政敏