何廣沛掛住佘詩曼

何廣沛、莊思明及楊明等昨日到銅鑼灣出席戲院開幕，剛拍畢《新聞女王》的何廣沛坦言不捨得劇組，尤其女主角佘詩曼（阿佘），「有阿佘帶領之下真係好融洽，無諗過佢咁照顧後輩，少咗佢啲萬歲同關懷，有啲唔慣。」他對女方有讚無彈，提議他追求阿佘？他笑言︰「好多男仔都想，但都要阿佘揀，我喺劇中同佢有感情戲已經好開心。（愛上佢？）個個都愛上佢，我估唔到佢咁好人，佢趁空檔主動同大家傾偈，真係好用心對人。」

莊思明與男友楊明現身，今年二月丁父憂的思明，早前與兩位家姐在手腕上紋亡父心電圖作紀念。思明對昨日父親節特別感觸，而楊明表示活動後思明會跟他回家食飯，皆因昨日亦是楊媽媽的農曆生日。楊明指父母愛錫思明多過自己，平日若思明不同行，楊媽媽便叫他不用回家，他笑說︰「為咗想食多啲媽咪嘅飯，都想快啲（結婚），不過最快都要下年。」

採訪、攝影︰Pauline