日人氣咖啡店KOMEDA'S Coffee 登陸AEON屯門店

黛安放假時，最鍾意約埋姊妹去飲飲食食。公關姊妹話，日本著名連鎖咖啡店KOMEDA'S Coffee上周喺屯門市廣場一期AEON地下，開咗本港第2間分店，大家有機會品嘗到嚟自名古屋嘅美食喇。

新舖添加唔少新產品，例如只有屯門店先食到嘅「熊本蜜瓜冰與火」，以特製丹麥酥配上鮮甜嘅熊本縣蜜瓜果肉同大阿蘇牛乳軟雪糕，口感層次豐富，令人想一試再試。亦有新推出嘅士多啤梨、芒果及抹茶味刨冰，及牛肉同海鮮味焗飯等。

為咗推廣新店，即日起憑AEON信用卡喺全綫KOMEDA'S Coffee買咖啡券(1套8張)，即可享85折優惠，折後只需$230，仲可免費獲贈原價$38嘅香脆薯角1份，大家唔好錯過喇。