獲唐文龍封女神 陳法蓉被甜言蜜語迷暈

無綫話題劇《一舞傾城》現正熱播，前晚一集青龍（唐文龍飾）出獄，更親自下廚為沙律（陳法蓉飾）送上驚喜。事隔多年這對夫妻終於團聚，甫見面即相擁而泣。本身在萬國城霸氣十足的沙律媽在愛郎面前秒變小鳥依人，坐在老公大髀兼甜蜜錫錫。法蓉受訪時透露與文龍首度合作︰「呢套劇除咗楊明、文凱玲，所有人都係第一次合作。我同文龍合作得好愉快，同埋佢有句口頭禪係『傳說中嘅陳法蓉』，佢話好多朋友都好鍾意我喎，仲好羨慕佢可以同我演夫妻。」提到劇中有不少親熱戲，文龍坦言有壓力︰「始終佢都係女神，但我哋都好合拍，同埋法蓉都好快投入角色，大家可以好放心咁去發揮。」

此外，無綫日前發布劇中的NG片段，蔡潔與法蓉在露台拍攝期間，一隻「飛天小強」突然飛撲伏在蔡潔的衣服上，法蓉嚇到花容失色，蔡潔卻處變不驚，用手輕輕彈走，相當大膽。