將在今年內跟馬國明(馬明)結婚的湯洛雯(靚湯),為了在人生最重要的日子,以最佳狀態出嫁,她近來積極減肥,而且漸見成績。靚湯要在短時間內達至最佳效果,除了節食、運動外,同時推拿通淋巴,她直言痛得要命,但為了做最美新娘可謂豁出去。
湯洛雯透露去年受胃痛困擾,要長期服用西藥,致身形略帶浮腫,相比她2012年參選港姐時,明顯有「肉地」。日前靚湯與未婚夫馬國明出席活動,穿上白色長裙,臉部變尖、鎖骨重現,更踢走肉腿,獲不少人大讚「瘦咗又靚咗」。
靚湯多年來試過減肥多次,但向來不太熱衷做運動,故成效不太顯著,而且體重亦很快反彈。日前她接受本報訪問時說︰「我試過減肥好多次,隨住年紀開始大,新陳代謝慢咗,真係要靠運動推動一下,依家我日日做運動。」靚湯雙管齊下瘦身,飲食也要很小心,連最愛的美食都要告別。靚湯更大方公開其減肥餐單,「以前減肥期間食下甜嘢,都會瘦到,依家要完全戒糖,同埋夜晚戒澱粉質。」但她強調減去致肥食物,而不是大大減量,因為要令身體沒有飢餓感覺,才能避免吃零食的念頭。
上圍縮水馬明唔介意
此外,為達至最佳效果,靚湯每周會做一至兩次推拿通淋巴,「推拿配合埋運動,會減得快啲,排咗毒素無嘢塞住,脂肪就會排走得快啲。」她指現時未達標,仍要繼續努力,「我唔鍾意磅重,因為磅數停咗就會唔開心,會唔想繼續做運動;依家我瘦咗一個碼,會向住瘦兩個碼進發。(唔介意胸部縮水?)我放棄咗,有啲嘢要取捨,胸就隨緣啦,佢(馬明)都唔係鍾意特別身材嘅…佢OK就得喇!」
撰文︰Steven
美術︰梁政敏
採訪︰王連連