鼎爺差點進軍荷里活 肥媽自爆豪食埋單70萬

由肥媽（Maria Cordero）、李家鼎及游嘉欣（游游）主持的《肥媽李鼎》昨晚播出一集中，肥媽大談人生吃過最貴的一餐飯，埋單竟要70萬元！她說︰「淨係個頭盤，每人一碗粥都要24萬，當然唔係我畀啦！碗粥係鰻魚苗熬粥，我即刻問可唔可以唔食，畀番一萬銀我！」之後，游游重提肥媽投資失利損失數千萬元一事，肥媽大方回應︰「嗰時我把口衰，話有幾千萬喺個袋度，可以退休，點知一講退休呢兩隻字，（個天）就玩你喇，所以我以後唔講退休！」

至於鼎爺自揭曾有機會做「李小龍第二」︰「70年代同美國嘅華納兄弟簽咗三套戲，已經落埋訂，我心諗今次發達喇！」惟後來出現突發事件，令鼎爺進軍荷里活夢碎，他感歎喟︰「真係食咁多着咁多，整定嘅！」