曬Sam親手製禮物 古巨基︰對後輩好貼心

古巨基（基仔）前晚擔任許冠傑（Sam）第六場演唱會的嘉賓，Sam介紹他出場時，表示已有七、八年沒見過契仔基仔，大讚他精靈又靚仔；兩人合唱《沉默是金》後，基仔特別感謝Sam的歌曲給予大家正能量，更叫全場觀眾一起大嗌「歌神，許冠傑」，場面震撼。之後，基仔請工作人員拿出一塊紀念板，他說︰「知唔知塊板上面啲字同圖案，仲有一粒粒嘅星星裝飾，都係由Sam哥親手畫同貼上去㗎，Sam哥好細心，對所有朋友同後輩都好貼心。」

基仔昨日亦在社交網分享「神之禮物」，並寫道︰「十分榮幸，原來係第三次做Sam哥嘅演唱會嘉賓，時間真係過得好快，咁就18年了；Sam哥係粵語樂壇之父，佢係作曲填詞唱廣東歌嘅第一人。」