學木工擦出愛火 劉心悠與老公譜師生戀

現年42歲的劉心悠被爆去年除夕秘密結婚，低調嫁給年輕數載的圈外男友，及後網上流傳心悠與老公的BBQ合照，她因穿鬆身衫惹來大肚疑雲。昨日心悠否認懷孕，並為了保護丈夫私隱，拒絕透露夫家姓氏，但甜蜜透露與老公原來是師生戀。

劉心悠昨日出席廚藝學校活動，盛傳懷孕的她身形纖瘦零孕味。問到丈夫姓氏，心悠支吾以對，表示要先跟老公商量，「可以叫返我劉小姐，因為我未同佢溝通，其實佢都預咗（見光），但我想尊重番佢。」談到新婚生活，心悠笑言上月從廚藝學校畢業後，一直在家中狂練廚藝，「生活好似家庭主婦咁，我噚日（前日）整咗份三文治畀老公做午餐。我唔慣做人太太，唔知做太太要做咩，同埋到依家仲係改唔到口，會叫奶奶做auntie，叫老爺做uncle。」

提到在去年大除夕成婚，心悠笑言因當日正是飼養的雀鳥生日，於是隨意選擇同一日結婚。問她是否閃婚？她說︰「唔算閃婚，拍咗拖一排。（拍拖五年？）咁又無，但一齊經歷過疫情。」她指老公只是一名普通打工仔，夫家也相當低調。提到相識經過，她甜絲絲說︰「其實係朋友介紹，因為佢鍾意木，我都鍾意木工，佢算係我嘅老師。（師生戀？）可以咁講，我係一個好勤力嘅學生，有啲嘢需要搬搬抬抬，無佢幫手我做唔到，所以我哋嘅經歷同木有好大關係。」

不擔心做高齡產婦

至於網上流傳心悠與老公合照，心悠承認相中人正是丈夫，「嗰張係同學之間合照，我唔會被陌生男子摸我。（介意老公容貌曝光？）我係介意人哋話我有咗，唔係事實要講清楚。」她不擔心做高齡產婦，今年內亦未有生育計劃，會順其自然。

採訪︰Pauline

美術︰梁政敏