孖葉蒨文跳唱贈港人 林子祥哽咽談「忠粉」缺席

林子祥（阿Lam）原定今年三月在亞博舉行《林子祥開心演唱會香港站》，因疫情延期至前晚開騷，全場爆滿。75歲的阿Lam唱出近40首歌，期間感觸說︰「我同沙麗（葉蒨文）咁多年嚟，咁多場演唱會，有三個大粉絲一定喺現場支持，今晚（前晚）佢哋都唔喺度，一個係我媽咪（哽咽講不下去），另外係沙麗嘅爹哋同媽咪。」隨即音樂響起，他唱出《分分鐘需要你》，卻因情緒未平復而多次唱不下去。

安哥環節時，阿Lam與太太沙麗大唱70年代快歌medley，並配以勁舞，令全場氣氛高漲。完騷後，阿Lam與沙麗一起受訪時表示︰「嗰part的士高medley係為香港觀眾新加嘅。」沙麗則謂︰「希望大家笑住走。」她又指阿Lam媽媽因生病在家不能前來，而自己父母則上了天堂，「忠粉」突然缺席，令阿Lam大為感觸。