譚旻萱恨拍女版《季前賽》

譚旻萱（Mandy）昨日到銅鑼灣出席口罩活動，以低胸開洞針織上衣到場，大曬美好身段。提到早前在ViuTV劇集《季前賽》中客串籃球員，Mandy坦言恨再拍劇，「其實都想再拍劇，尤其關於籃球嘅題材就最好，希望可以開拍一部女版《季前賽》。我平時都有打開波，試過同馮允謙打波，佢係一個好好嘅對手，打得又叻，之前拍劇見到Stanley（邱士縉）都打得好好。」

此外，Mandy是古天樂公司旗下藝人，早前經古仔安排去上戲劇課，但卻因病被迫缺席，她說︰「可能BBQ食咗未熟嘅嘢，突然成個人好虛弱，搭地鐵嘅時候差啲暈低，好彩睇咗醫生後，休息咗幾日可以開工。」

採訪︰Pauline

攝影︰林良明