寶刀未老狂打空翻 61歲歐瑞偉曬真•樂悠卡

《愛•回家之開心速遞》一連兩集講述KC（歐瑞偉飾）因外表太年輕，而被Terry（李偉健飾）誤以為是狐妖托世。歐瑞偉因劇情需要手持樂悠卡亮相，又大曬一身好輕功，不停狂打前後空翻，完全不像已年屆61歲。

歐瑞偉接受本報電話訪問，直言這兩集拍得辛苦，「因為要拍到有武俠片感覺，又要表現到KC好似後生仔咁嘅身手，連埋試戲、攝影機唔同嘅位置，前空翻打咗至少七、八次，後空翻六、七次。」他笑認劇中的樂悠卡真的屬於他本人，提到其外表和身手比真實年齡年輕，他笑說：「最重要係心態，唔好當自己係老人家咩都慢吞吞，動作快少少。外表點都保養少少，不過我好懶，好少敷面膜，但會食保健品或者去美容中心護膚。」