一提施明即落閘 李家鼎：再問我掟咪走

李家鼎（鼎爺）及林盛斌（Bob）昨日拍攝《新春開運王》，鼎爺表示堪輿師傅指他來年運程不俗，他希望大家身體健康。此外，鼎爺前妻施明早前在家中跌倒受傷，要做開腦手術，鼎爺昨日一提前妻即「落閘」避談︰「家事唔好問，再問我就掟咪走。（有無影響情緒？）都話唔講咯。」

同場的Bob一直篤信風水，透露早前向堪輿學家陳定幫查問來年運程：「師傅話之前三年係我嘅人生低潮，無論事業、家庭同健康都沉寂咗，但回想呢幾年疫情爆發，其實全世界都同我一齊低潮。」Bob坦言較擔心與家人的關係，笑指大女升中後開始進入青春期，偶然會駁嘴。

採訪︰Pauline

攝影︰林良明