自爆曾任「鴨仔導師」 鄧兆尊被日本妹睇中

鄧兆尊近日再次作客為「田豪祖3寶」YouTube Channel開咪，他跟主持貴花田和王耀祖暢談網上熱話，提到近日網上流傳一段短片，內容疑似是一名女子搭的士時，遞上1,000元表示要前往「鴨店」。兆尊自爆跟鴨店甚有淵緣，更大爆內幕。他透露曾獲邀擔任「鴨仔」導師，「間店係朋友開嘅，叫我去教下佢哋禮儀，教佢哋點𠱁啲客人。我去教啦，點知有個日本客都幾靚女，竟然睇中我，話要我喎。」

兆尊又指外界對鴨店有誤解，他續說︰「大家唔好諗心邪嘢先，女士們落去玩係求開心，見人跳舞就遞張銀紙，就係咁玩下，只係咁嘅啫。（有無邊度唔摸得？）邊度都摸得，不過啲客好斯文，摸下手瓜就算。」