陳曉華勤練功 陳家樂自認身手不靈活

陳家樂、陳曉華（Hera）及譚凱琪等昨日於電視城出席無綫劇集《異空感應》的拜神儀式。監製王心慰透露有不少危險動作場面，家樂自言筋骨不夠靈活︰「我係千年巨筋，太硬淨，出名拉唔到筋，早前喺內地拍古裝劇，學識咗最緊要最尾擺個有型甫士。」

至於Hera在劇中演女警，有不少動作場面︰「我兩年前拍完《迷網》後考咗跆拳道黑帶，不過太耐無練。最近跟武指練功，手腳唔太協調，無之前咁靈活。（用跆拳道擊退色狼？）咁又無，我通常用凌厲眼神反擊，或者用音波功大叫。」

採訪︰Steven

攝影︰林良明