被長裙考起 陳嘉佳「見紅」搏到盡

無綫熱播古裝劇《痞子殿下》明晚大結局，除了周嘉洛、朱敏瀚等幾位主角備受關注，陳嘉佳（小寶）飾演的娟娟亦引起討論。擁有重量級身形的小寶，在劇中飾演間諜「零零娟」，有不少動作場面，但小寶直言相關場口並不是最辛苦，最大挑戰反而是穿着高踭鞋及長裙。她說︰「差唔多每場戲都要着高踭鞋，其中有一場戲講我要推走張頴康，但因為我戲服條裙好長，我唔小心踩到裙尾仆親，搞到膝頭同手臂都損晒同流晒血。不過因為嗰陣拍緊阿康嘅大頭，我唔想影響進度，就決定繼續跑到導演嗌cut機。」非常專業。