首度情侶檔拍廣告 劉沛蘅洪卓立奉旨放閃

洪卓立（Ken）及劉沛蘅（Hillary）今年三月底公開戀情後，一直愛得高調。他們日前首次以情侶檔拍米線廣告，Ken笑言女友本身已經夠「辣（性感）」，所以甚少吃辣，「通常少人嘅時候，她就好辣，多人就唔辣；屋企得我們兩個就好辣囉，雙特辣！」Hillary回應指自己穿得性感少許，男友即變成「五小辣（憤怒）」；當旁邊有男生眼望望時，Ken更會變成雙特辣，認真搞笑。

對於首度情侶檔拍廣告，Ken表示︰「今次係第二次一齊合作，幾年前邀請佢紓尊降貴拍MV，當時好開心、好榮幸；今次反而有啲尷尬，尤其拍第一個鏡頭時，都有啲『做咩好呢』嘅感覺。」但Hillary似乎見慣大場面，自言非常享受，毫不尷尬，「（廣告）影嘅相其實同我哋平時喺屋企自拍差唔多，不過平時屋企無其他人，今次就有好多人望住，所以佢有少少尷尬，但我就OK！」