《明日戰記》重裝拍攝 古天樂劉青雲幾乎中暑

香港首部科幻片《明日戰記》將於本月25日上映，監製及主演的古天樂（古仔），與拍檔劉青雲拍攝時需穿上動力裝甲，非常辛苦。古仔回憶穿着裝甲時，高溫成為一大挑戰，「拍《明》片的確辛苦，身上嘅動力裝甲超過33磅，而且有好多動作戲，同埋正值炎熱天氣。印象最深係第一次着裝甲，要用半個鐘以上，就算熟練之後都要15分鐘。」青雲亦坦言︰「身體會成日覺得好重，好多時拍完都要做伸展運動。」

穿上侷促戲服的兩人，直言每天都近乎中暑邊緣，古仔笑謂︰「記得當時喺片場有三部冷氣，分別有三條喉對住我，青雲望住我就話『你都黐綫！咁樣降溫。』所以大家應該幻想到車入面又焗、環境又狹窄、腳架雲台又不停郁、唔能夠除衫、唔能夠去洗手間嘅感覺有幾咁特別，係我從影以嚟從未有過嘅體驗。」