看《明日戰記》逾千次 古天樂︰唔好成日睇西片

古天樂（古仔）監製及主演的科幻電影《明日戰記》下月上映，該片同時成為第46屆香港國際電影節開幕電影之一。古仔笑談拍攝科幻片的原因︰「因為我鍾意囉！唔好成日睇西片啦，睇下港產片，除咗警匪片、愛情片仲有好多題材。科幻片嘅投資好大，但總要有人行出第一步，好希望擴闊港產片嘅戲種。」問他總共投資了多少錢？古仔避談道︰「好睇就得啦，唔好講幾多錢喇，都使咗囉，乾埋啦。」身旁的劉嘉玲有份主演《明》片，她多番強調︰「好貴！後期用咗好多時間。」

古仔對新片大感滿意，自言已觀看逾1,000次，亦盡了最大努力，「今次以香港團隊製作，有第一次嘅經驗，第二、三次會更加進步。」他又透露正籌備另一科幻片《天梯》，要模擬太空，科技更複雜，事前更需到日本或美國學習一個月。