熊黛林買樓給孖女做嫁粧

熊黛林（Lynn）昨日出席麗新集團活動，力撑老闆林建岳，她表示︰「只要公司畀嘢我都會做，依家我都好想多啲出去做嘢、拍電影。其實我喺屋企真係好悶，以前仲可以周圍飛，但依家無得出街，覺得生活重複又重複。（兩個女有無投訴？）佢哋會唔開心，攬住我隻腳，又話好唔捨得，又叫我唔好走；但次次我走咗之後，佢哋又無乜嘢，同佢哋視像講幾句就行開。」Lynn透露老公郭可頌早前於大灣區置業，她亦有打算買樓給雙胞胎女兒當嫁粧，她說︰「諗住將來買樓畀佢哋做嫁粧，唔可以失禮㗎嘛，盡量都想畀最好嘅佢哋。」

另外，同場的林嘉欣直言到場前仍不知道活動詳情，但她透露今年是簽約林建岳旗下公司的第十年，笑言已拿了十年金牌。問她每年的酬金是否遞增？她笑笑口說︰「林博士（林建岳）心胸好廣闊，為人唔計較、好大方，大家合作得開心，好珍惜彼此嘅合作關係。」