老字號美味廚月底結業 晴報太太推介必食經典

主打上海菜、開業45年的美味廚，排骨菜飯、菜肉雲吞等美食向來大受歡迎，晴報太太懷鈺更是從幼稚園幫襯至今，平均每月幫襯4、5次。可惜這間滬菜名店將於本月29日（星期日）光榮結業，大家要把握機會一試喇！

70年代銅鑼灣厚誠街、加寧街一帶「食街」的食肆林立，西餐廳之選有好仕登，而中菜則有小小菜館、京香樓等，特色餐廳有甜甜屋及美亞美鮮果店等。於1977年開業的美味廚，以排骨菜飯、菜肉雲吞等馳名，是當年食街眾多食肆唯一營業至今的。

排骨菜飯最出色

在美味廚工作30年的經理英姐，以及資深樓面華姐表示，食肆日賣300碗排骨菜飯，而且深受銅鑼灣街坊及藝人熱捧，晴報太太懷鈺從幼稚園幫襯至今，而藝人伍詠薇則光顧逾30年，經常外賣排骨菜飯。懷鈺表示，「我最鍾意食嘅當然係排骨菜飯啦！仲有賽螃蟹、菜肉雲吞同埋雞絲粉皮。」能成為她心目中的「飯堂」，皆因這裏有「家的味道」。「因為媽咪係上海人，所以我哋特別鍾意食上海菜。」

談到食店將於本月底光榮結業，懷鈺坦言相當不捨得，「我最唔捨得係呢度嘅排骨菜飯，因為實在太好味，排骨醃得好出色，係目前為止我食過最好味嘅！」

美術：梁政敏