讚老公「神隊友」 陳嘉寶憶懷細女時胎位不正

母親節將至，身為三女之母的陳嘉寶（Anjaylia）早前一家到北角玩滾軸溜冰慶祝，並透露將與三個囡囡、嫲嫲及婆婆三代同堂度過。Anjay與丈夫黃頌祈三年抱三，她大讚老公是「神隊友」︰「有咩事老公真係落手落腳去做，畀足時間我休息，要照顧一大三細嗰個係我老公，哈哈！」

為人母親不容易，原來Anjay在懷細女Azaliah時，曾因胎位不正而住院近兩星期。Anjay說︰「起初都無事，到第八個月時發現有胎位不正嘅情況出現，BB喺肚入面反轉180度咁，打橫喺個肚度；醫生話有危險，因為一穿羊水，BB有可能踢到臍帶，就會有生命危險。」幸好過了39周後，醫生認為時機成熟，幫她做人手轉頭，BB亦乖乖地沒有再轉來轉去，讓Anjay鬆一口氣。