早前有傳江嘉敏（Kaman）情斷拍拖四年的電競高層男友Anthony，除了刪除以往的甜蜜合照，更已取消追蹤對方。Kaman昨早終於發長文承認甩拖，但她昨日出席活動時撑着拐杖，難免令人聯想分手與受傷有關，Kaman急急否認，強調不會傷害自己，受傷只是意外。
江嘉敏昨早在社交網發長文，承認與Anthony分手，並留言向對方喊話︰「四年了，感謝你一路以來的相伴。我相信，我們都會以更好的自己迎接未來…我知道，你們都會好好的。」言語間似乎暗示有第三者介入。
何廣沛等公司安排節目映期
及後Kaman撑着拐杖，與何廣沛及朱智賢等在電視城宣傳劇集《食腦喪B》，她解釋腳傷是因日前發生意外︰「其實嗰日係自己唔小心跣倒，起初無諗過咁嚴重，直到去睇骨科醫生先知成嚿骨歪咗。」問她會否擔心外界將分手與受傷混為一談？Kaman笑謂︰「我絕對唔會做啲傷害自己嘅事！好多事都已經過去，要向前望，依家心情已經OK，我會努力工作。」
另外，有傳無綫揼本千萬製作遊戲節目《真係唔好笑》，並由何廣沛、方紹聰（奶仔）及郭子豪「食腦三子」擔大旗，不過總經理曾志偉看畢節目後狠批「真係唔好笑」，決定抽起該節目。問及此事，何廣沛明顯有備而來︰「節目安排全部由公司決定，節目幾時播都係等公司安排。至於節目製作費要一千萬？真係講你都唔信啦，成個節目用幾多錢我真係唔知，我都係收番騷錢啫，同埋成個團隊點玩、節目點編排，我都係同其他人一樣，拍之前先知。」
早前亦有傳何廣沛於拍攝時製作人上身，擔當指揮角色，惹來主持之一的麥美恩不滿。何廣沛表示︰「我都做咗十年，好多同我合作過嘅同事都知我係咩人…我同麥美恩仲有其他演員相處都好融洽，大家唔信嘅話可以去問下佢哋。」
採訪︰Pauline
美術︰梁政敏
攝影︰林良明