李思捷WFH隔空主持《思家大戰》 網民唔Buy︰一啲都唔實在

李思捷監製兼主持的無綫遊戲節目《思家大戰》近日錄影最後三集，但思捷突然以WFH（在家工作）形式，隔空做節目主持，錄影過程全靠「一蚊Joe」游莨維推着思捷的顯示屏，在錄影廠內游走，扮作思捷身處現場走位。有網民質疑思捷是否因染疫而WFH，他為免引起揣測，接受無綫視像訪問時表示︰「呢個疫情裏面，為咗保護自己同屋企人，就想安全啲。咁繼續開工就要安全，呢個幾得意，好似AI智能公仔走嚟走去，又可以望住你傾偈同溝通。」

至於做思捷「替身」的一蚊Joe說︰「最難係要推啱位，你知李思捷又有要求，推錯咗會好大壓力。」對於思捷隔空做主持，有網民表示不太接受：「（節目）可以暫停，依家好似玩吹氣公仔，一啲都唔實在。」但亦有人支持，表示「好得意咁玩法」。