推首支個人唱作單曲 李施嬅錄音怪事連連

將於下周推出的無綫劇《金宵大廈2》，女主角李施嬅首次擔任作曲人，推出個人首支單曲、《金宵2》插曲《相愛萬年》。施嬅表示起初創作時，沒想過歌曲可以放入劇集使用，「寫完隻歌之後，聽到監製原來搵緊一隻歌做劇集既插曲，我就隨意咁哼左幾句畀佢聽，點知佢覺得好適合，咁就順理成章變成劇入面其中一首歌。」

不過施嬅直言錄音過程波折重重︰「第一次錄音，我突然失聲錄唔到；到第二次錄音，錄音室樓上裝修所以錄唔到；第三次錄音，唱片監製Davy無端端入咗醫院，聽到都有啲心寒，好彩到第四次終於無問題啦。我哋都講笑話，感覺好似《金宵大廈》喺度試緊我哋嘅誠意，入門要過三關。」