陳蕊蕊開Café慘蝕數十萬

陳蕊蕊日前為食品公司拍攝網片，片中蕊蕊走訪各大餐廳探討食店現況，蕊蕊試食餐廳招牌菜之餘，更乘機向負責人「偷師」營商之道。她說︰「因為之前做過咁多生意都係蝕錢，試過開Café，最勁一次蝕咗幾十萬左右啦，不過做生意算少㗎啦。」

近日疫情嚴重，蕊蕊坦言會小心個人衞生，一停機即戴口罩。她有感近日疫情嚴峻，沒有晚市對餐飲業打擊甚大，「我只係小人物當然幫唔到啲咩，希望可以幫手打打氣、介紹下隱世美食，到疫情過後大家去瘋狂幫襯！」新春在即，蕊蕊無懼拜年被親友催婚，「其實父母唔會過年先問我呢啲嘢，平時都會旁敲側擊關心我嘅感情狀況。」