重新錄製經典歌《夏日傾情》 黎明自嘲︰無法忍受當年震音

黎明（Leon）在1993年推出歌曲《夏日傾情》，成為其經典代表作之一。Leon昨日在FB宣布表示推出新版《夏日傾情》，並解釋重新錄製因由︰「舊年有一次坐人哋車，個人突然播出《夏日傾情》當年版，我一聽之下，即刻醒悟，甚麼叫做︰力拔山兮氣蓋世。聽番當日自己唱的版本，真係震過貓王，不停震，句句尾嗰隻字都震，我意思係啲震音，講真一聽番連我自己都無法忍受，令我恍然大悟，鍾意聽呢首歌嘅朋友，我辛苦了你們的支持，真係要講句，對不起我愛你。」

Leon為防止歌迷再聽當年震音老套版，所以馬上重新錄製歌曲，以及另一首經典快歌《越夜越有機》。隨後Leon再度留言宣布「喜訊」︰「我此刻的心情非常複雜…有人分享iTunes信息畀我，話恭喜晒我，《夏日傾情》上咗No.1…一看之下原來係當年嘅版本…請唔好畀錯鼓勵，唔好再撳當年嗰隻，要聽就聽《夏日傾情（重新唱）》。」