薛家燕被批2028年遇真命天子

薛家燕、宋宛穎（Sabrina）及堪輿學家李居明等昨日出席《新春開運王》記者會，師傅踢爆家燕姐一直恨抱孫女，並指點其兒子及新抱︰「凌晨三點就係行房嘅最佳時間。」家燕姐笑謂︰「好彩係半夜，如果晏晝嘅話，唔通唔做嘢返嚟行房咩？」至於家燕姐的姻緣運，師傅稱要到2028年才出現真命天子，家燕姐鬼馬道︰「咁呢幾年我湊下孫先。」

至於首度主持節目的Sabrina，被家燕姐大讚口齒伶俐，Sabrina說︰「會問下事業同健康運，姻緣就過多兩、三年先。不過師傅話屬兔出年桃花運好旺，咁觀眾緣都係桃花運嚟嘅。」在旁的陳庭欣口快快說自己也屬兔，但隨即發現暴露了年齡秘密，她尷尬道︰「我唔會大你12年啩，我哋應該係同一個兔年嘅，哈哈。」

採訪︰Pauline

攝影︰林良明