月尾首度開個唱 施匡翹曬46吋長腿「誘」睇騷

現年25歲的施匡翹（Zaina）出道近三年，本月尾將迎來首個個人演唱會，現時正積極備戰；身為瑜伽導師的Zaina擁有魔鬼身材，一雙46吋白滑長腿令不少女生艷羡，她預告在演唱會上大騷本錢，帶給粉絲難忘的一晚︰「今次造型係我以前從未試過嘅！」

施匡翹的演唱會將於本月20日在九展連開日夜兩場，但去年她曾確診新冠肺炎，令人擔心她的體能是否能夠應付？Zaina直言此刻的體能比以前更好，「康復之後，我隔咗兩個月左右再去照肺，一啲事都無，個肺好清，醫護人員都話好好，我覺得好感恩。」Zaina更有驚人發現，「以前我跑步唔係好得，但經歷今次之後，我跑步反而勁咗，愈跑愈長時間，比以前好咗好多。（因禍得福？）係多咗人識嘅，可以話係好事，無咩唔好，最緊要身體好番，亦希望疫情快啲過去。」

5套服裝貫穿個唱

近日忙為個唱綵排的Zaina，透露除了演唱自己的五首歌曲《初心》、《耳仔軟》、《差不多小姐》、《康復期》及《Stay》，亦獻唱其他歌手的金曲，「今次想唱多啲唔同種類嘅歌，畀大家見到唔同方面嘅我，我揀咗啲新歌、經典歌，亦有英文歌，希望大家見到斯文嘅我，亦有rock嘅我。」演唱會有五個主題，Zaina屆時以不同造型亮相，她興奮說︰「五首歌、五個主題、五套衫，貫穿成個演唱會，啲形象大家未見過，我未睇過啲衫，所以好期待。」Zaina常做運動及瑜伽，加上一雙修長美腿，身材十分苗條，所以會亳不吝嗇在個唱上騷本錢，她笑言︰「大家一定要拭目以待，哈哈！」

去紅館睇Twins鄧紫棋

每位歌手都想登上紅館開騷，Zaina亦不例外，上月她獲邀到紅館演出，令她對踏上紅館台板的目標更堅定。「有機會上紅館演出係一個好寶貴嘅經驗，經過今次九展開騷，相信我個夢想會再大啲，一步一步咁朝住紅館進發。」Zaina笑言小時候經常跟父母到紅館睇騷，「我父母好鍾意王傑同張信哲，細個跟父母去紅館睇演唱會，自己亦睇過Twins同G.E.M.（鄧紫棋）嘅騷，成日扮佢哋唱歌。」

場地：Hotel Icon唯港薈

形象總監：Janae陳灝而

化粧及髮型：Wingkee Makeup

攝影︰林良明

美術︰梁政敏

採訪︰倪小珊