薛家燕想請「牌后」徐小鳳切磋麻將

薛家燕與吳若希（Jinny）和鄭衍峰主持的無綫新綜藝節目《麻雀鬥室三決一》昨晚首播，日前家燕姐特地邀請二人接受新城節目《開心大派對》訪問，大談麻將經。家燕姐笑言最想邀請「牌后」徐小鳳做嘉賓，她說：「小鳳姐打麻將好叻，我梗係想邀請佢上嚟啦，大家可以跟小鳳姐學下嘢！」

節目拍攝期間，家燕姐經常「萬歲」請大家吃東西，Jinny則帶來私伙鹹柑桔給家燕姐潤喉，拍檔之間就像家人般親密。問到哪位藝人牌品最好？鄭衍峰大讚黎諾懿：「諾懿嗰集係三娘教子，三位女士一齊攻佢，遊戲輸咗要懲罰，個個都搵佢罰，但佢好淡然面對。」