羅霖自爆10歲時行街被𠝹頸

羅霖及彭健新昨日出席藝術家馬興文（Simon Ma）的作品展，羅霖自言喜歡畫畫，並解釋︰「其實喺呢十年好大壓力，成日好緊張，所以希望透過畫畫減壓。」她透露將到內地工作，預計逗留兩個月，「第一年唔係同囝囝過聖誕，但要賺錢養家無辦法。嚟緊係第三次隔離，我又怕黑、又怕一個人住，每次隔離都好大壓力。（搵個人陪？）內地男多女少，希望搵到啦。」

另外，羅霖又自爆10歲時曾被奇怪男人用類似鐵片的東西𠝹頸，她說︰「當時同家姐行緊街，好彩對方唔係拎刀…但我第一時間都呆咗，太驚嚇，之後報警都捉唔到個人。」羅霖笑言要兒子練跑，以便遇襲時可立即逃跑。

採訪︰Pauline